8强己经產生了 + 足球術語大雜滙

不能不说日本这场比赛

第一:Honda (本田圭由)踢的真是好.Man Of the Match.
第二:連要用点球分胜负都能贴中.神呀!自己贊自己.可是沒想到日本會射失点球.真可惜.

8强己经產生了.免战牌也掛起来.来点輕松的

足球術語大雜滙

可以好肯定咁講句, 全世界咁多語言, 講波可以講得最精彩, 最抵死傳神, 非廣東話莫屬.

叉燒- 因為好易吃, chance波
疴蛋- 守門員接波甩手, 并從胯下將嗰波漏入網
偷鷄- 越位 Offside
插花- 球員控球用腳左穿右插, 扭過對方避開攔截.
花王- 經常表演插花o既球員.C郎
拉西- 用腳力將嗰波旋轉
斬波- 大腳傳球
燙波- 用腳內側踢波
篤波- 用腳尖輕踢
躂Q- (漏油) 用力抽射/交波/斬波時腳不應球, 使嗰波唔受力
拗柴- 足踝扭傷
插水- 扮嘢, 指球員跌倒搏罰球
鐵衛- 強力後防
上身- 球員演出超水準
笠死- Lob之聲譯, 解嗰波成抛物綫越過守門員頭頂
單刀- 前鋒擺脫晒對方防守球員喺禁區度只對住一個守門員
吹鷄- 球證吹哨
黑哨- 球證執法令人質疑. ( 英德那场就是了)
掛靴- 結束職業球員生涯
撞牆- One-Two pass
食塵- 追唔到對方前鋒自己落後面, 只有食塵
符碌- Fluke(英式桌球), 僥倖咁入波
收山腳- 顧名思義, 一腳收你皮
七旋斬- 急勁傳中球 (碧咸绝技)
香蕉球- 射門去勢彎向龍門 (Curling)
炒芥藍- 兩隻腳炒埋一齊, 即係撞埋一齊
開汽水- 球迷噓聲四起
魚生粥- (僅熟) 即係險勝 (例如 1:0 或者 2:1等)
牛油手- 龍門跣手, 成日都接唔穏嗰波 ( 英国守门员 Green 就是这个)
暖水壺- 一種戰術, ''暖水壺係咁滾'', 不斷放高波吊入對方禁區
手榴彈- 大力將嗰波掟入禁區
執死鷄- 入球補中. 首次試射未能入球, 其他反應好o既球員有機會入球
通坑渠- 帶波時將嗰波穿過對方球員兩腳之間
單蹄馬- 只係識用左腳或者右腳o既球員
雙槍將- 左右兩腳都咁勁
窿對窿- 0比0
食炸糊- 入咗當冇入
風流波- 因為目標已達, 好任意咁踢唔再進攻
送大禮- 己方失誤令對方入球
黃大仙- 有(球)必應
炒波底- 射門時唔應波踢起波底, 通常結果都係炒飛機
撑龍舟- 用頭將嗰波頂去後面
食波餅- 俾去勢凌厲o既波擊中, 通常指臉部
公公腳- 撩陰腿, 一腳令你變太監
長命賽- 聯賽, 因一季聯賽所有隊伍主客互賽, 賽事甚多
九零一- 戰術一種, 九名球員於後場防守, 只得一名球員作反擊之用
叠瓦式- 進攻模式之一, 後上球員於帶波球員身邊快速走上, 拉開對方防綫
發電機- 成隊波轉守為攻時的重心球員
對面海- 同“射波射咗去天后廟“一樣, 射門無準, 遠而不正
起雙飛- 雙腳鏟球, 危險動作
入球荒- 前鋒球員長期冇波入
玻璃腳- 容易受傷的球員
爛仔波- 打法粗魯
三文治- 兩個後衛夾住一個對球員
豆腐籠- 不堪一擊o既龍門
坐冷板- 後備席不獲正選
彈弓旗- 指旁證舉起旗又放返低
柱躉式- 後衛球員身材高大, 頭搥了得
反人牆- 對方排人牆時, 擺個自方球員喺對人牆之內, 作干擾之用
濕滯波- 踢到不知所謂
唔生銹- 唔生性
二仔底- 一味死跟
送波鐘- 睇住嗰波碌走又追唔到
萬金油- 可以踢任何位置o既球員
海鮮波- 指球員表現飄忽, 好似海鮮價一樣
檸檬頭- 成日頂高嗰波
打毽腳- 用踢毽的方法傳球
踩波車- 躂Q跣低
派利是- 球證俾紅牌
放飛劍- 吐口水
食鷄翼- 有爭拗
神經刀- 龍門輕出, 經常失位
私家Q- 用唔善長的腳踢出一個好波
打荷包- 從後偷波
老波骨- 經驗豐富的球員
先拔头筹 - 入第一球
梅开二度 --入第二球
连中三元 --入第三球
四喜临门 --入第四球
大四喜- 一場波入四球
一二 (one two)，撞墙
对脚痴胶水 - 球员缺态或疲倦导致举步为艰
突然死亡 - 加时赛中即时入球决胜;另外亦可解作和波后射十二码,经过指定次数后(通常五轮后),只用一轮定胜负的方法
黄金入球 - 加时赛中即时入球决胜
摸和 - 本是麻雀术语,意指不分胜负
逼和 - 落后(弱方)球队以和局完成赛事
冇带射门鞋 - 射极都唔入, 多数形容前锋
俾波过唔俾人过 - 阻人前进
中腰波 - 通常指传球的高度大概在腰部的位置, 有时亦指射门的高度
三角短传 - 3 个球员以3角形走位模式互相传球时, 高效率之传球方法
十上十落 - 荷兰全能足球
舞龙咁舞 - 形容脚法乖巧,像舞龙一样S形,盘过多位球员,将敌方球员玩弄於股掌之中
cup波 cup 过佢 - 带波过人
左/右闸 - 左右两则后卫别名, 负责扫荡
四鬼拍门 - 指出动四个前锋搏混乱入球之战术。为云高尔在世界杯外围赛对爱尔兰时, 无计可施下所创出笑爆嘴之招数。侯利亚亦在足总杯时对水晶宫将其发扬光大。
星期美点 - 系指球队每次既出赛阵容时都好唔同, 好似d餐厅个个礼拜推出唔同既美点咁, 应源自古烈治、维埃里，以至云尼亚里系车路士领队期间既阵容特色
临天光 - 球队响临完场前一刻/补时阶段入波, 以致整场波嘅赛果突然改变
红裤仔出身 - 领队或教练执教前曾任球员
豆腐防线 - 无需多讲. 皇马果条咪系罗..
计时炸弹 - 时不时会连累球队输波嘅球员
万金油 - 广义上，意指球员可踢非本身的位置，例如一个原本当后卫的球员担任前锋一职。狭义上，则是指一个球员要能担任五个相近或不同位置（包括原位置）。用於口语时，通常以广义为基准